فرمان الہی
نماز کے اوقات
پاکستان ویمن نے زمبابوے ویمن کو دوسرے ٹی ٹوئنٹی میں 67 رنز سے شکست دے کر تین میچوں کی سیریز میں 0-2 کی فیصلہ کن برتری حاصل کرلی۔
کراچی میں کھیلے گئے میچ میں پاکستان ویمن نے پہلے بیٹنگ کرتے ہوئے 4 وکٹ پر 170 رنز بنائے، ایمان فاطمہ نے عمدہ کھیلتے ہوئے 43 گیندوں پر 79 رنز اسکور کیے۔ 10 چوکے اور 4 چھکے اُن کی اننگز کا حصہ رہے، اوپنر منیبہ علی نے 36 رنز بنائے۔
زمبابوے کی جانب سے مابھیرو، میرینج اور ماوونگا نے ایک، ایک وکٹ حاصل کی۔
ہدف کے تعاقب میں زمبابوین ٹیم مقررہ اوورز میں 8 وکٹ پر 103 رنز تک پہنچ سکی۔ نشرہ سندھو دو وکٹوں کے ساتھ کامیاب بولر رہیں۔
اس کامیابی کے ساتھ پاکستان ویمن نے تین میچوں کی سیریز میں 0-2 کی فیصلہ کن برتری حاصل کرلی ہے۔
میچ جیو سوپر اور ڈیجٹل ایپ مائیکو پر براہ راست نشر کیا گیا۔
