فرمان الہی
نماز کے اوقات
ملک بھر میں ہفتہ وار مہنگائی میں 0.56 کی کمی ہو گئی۔
وفاقی ادارۂ شماریات نے مہنگائی سے متعلق ہفتہ وار رپورٹ جاری کر دی ہے جس کے مطابق مہنگائی کی مجموعی سالانہ شرح 14 اعشاریہ 75 فیصد ریکارڈ کی گئی ہے۔
ادارۂ شماریات کے ذرائع کے مطابق گزشتہ 1 ہفتے میں 22 اشیائے ضروریہ کی قیمتوں میں اضافہ ہوا ہے جبکہ 10 اشیاء سستی اور 19 کی قیمتیں مستحکم رہیں۔
اس 1 ہفتے میں پیاز 28 اعشاریہ 16 اور آلو 21 اعشاریہ 91 فیصد مہنگے ہوئے۔
ٹماٹر 9 اعشاریہ 56 اور کیلے 1 اعشاریہ 20 فیصد مہنگے ہوئے۔
رپورٹ میں بتایا گیا ہے کہ آٹا، گھی، کوکنگ آئل، تازہ دودھ اور ایل پی جی کی قیمتوں میں بھی اضافہ ہوا ہے۔
ادارۂ شماریات کے اعداد و شمار کے مطابق 1 ہفتے میں چکن 9 اعشاریہ 48 فیصد اور لہسن 9 اعشاریہ 13 فیصد سستا ہوا ہے۔
ایندھن میں ڈیزل 7 اعشاریہ 01 فیصد اور پیٹرول 6 اعشاریہ 80 فیصد سستا ہوا ہے۔
