فرمان الہی
نماز کے اوقات
بھارتی اداکار منوج باجپائی نے اپنے ریئل اسٹیٹ پورٹ فولیو میں مزید اضافہ کرتے ہوئے پونے میں 4.45 ایکڑ اراضی خرید لی۔
رپورٹس کے مطابق منوج باجپائی نے یہ زمین 1.37 کروڑ بھارتی روپے میں خریدی، جبکہ پراپرٹی رجسٹریشن دستاویزات کے مطابق لین دین 25 اگست 2026ء کو رجسٹرڈ ہوا۔
زمین پونے کے ضلع میں واقع ٹیل بائیلا گاؤں، ملشی تعلقہ میں ہے، جس کا رقبہ تقریباً 1.80 ہیکٹر یعنی 4.45 ایکڑ بنتا ہے۔
رپورٹس کے مطابق منوج باجپائی نے اس سودے پر 6.87 لاکھ بھارتی روپے اسٹیمپ ڈیوٹی ادا کی، رجسٹرڈ مالیت کے حساب سے زمین کی قیمت تقریباً 30.9 لاکھ بھارتی روپے فی ایکڑ بنتی ہے۔
یہ جائیداد مبینہ طور پر وِمل چند کِھم راج جین سے خریدی گئی ہے۔
منوج باجپائی اور ان کی اہلیہ شبانہ رضا باجپائی گزشتہ کئی برسوں کے دوران ممبئی میں بھی متعدد پراپرٹی معاملات میں شامل رہے ہیں۔
اکتوبر 2023ء میں دونوں نے ممبئی کے اوشیوارا علاقے میں 4 کمرشل آفس یونٹس 32.94 کروڑ بھارتی روپے میں خریدے تھے، جن میں سے 2 یونٹس بعد میں 2025ء میں لیز پر دے دیے گئے۔
جوڑے نے اگست 2024ء میں ممبئی کے علاقے مہالکشمی میں واقع 1247 مربع فٹ کا اپارٹمنٹ 9 کروڑ بھارتی روپے میں فروخت بھی کیا تھا۔
