میرپورخاص(نامہ نگار) میرپورخاص کے تعلقہ شجاع آباد کے علاقے میرواہ میں رہائش پذیرمحمد اکرم مغل کا 10سالہ بیٹا تیمور مغل اور محمد آصف مغل کا 11سالہ بیٹا محمد طارق مغل مبینہ طور پر اچانک لاپتہ ہوگیا،جس سے پورے علاقے میں شدید تشویش پھیل گئی اور مختلف افوائیں گردش کرنے لگیں،مساجد سے بچوں کی گمشدگی کے اعلانات شروع ہوگئے اور لوگ مشتعل ہوکر بچوں کی تلاش میں مصروف ہوگئے۔ رات دیر گئے دونوں لڑکوں کے عمر کوٹ سے بازیاب ہونے کی اطلاع ملی۔رابطہ کرنے پر پولیس نے بتایا کہ دونوں لڑکے فاتحہ خوانی کی تقریب میں اپنے رشتہ داروں کے گھر عمر کوٹ آئے تھے اورراستہ بھٹک گئے تھے جنہیں ان کے والدین کے حوالہ کردیا گیا ہے۔دریں اثناءمیرپورخاص کے علاقے سیٹلائٹ ٹاؤن میں رہائش پذیر ایک عورت اپنے شوہر سے ناراض ہوکر اپنی دوسالہ بیٹی کو رکشہ میں لیکر اپنے والدین کے گھر جانے کے لئے کھار پاڑہ پہنچی اور جھانسہ دیکر بچی کو رکشہ میں چھوڑ کر غائب ہوگئی۔رکشہ ڈرائیور نے بچی کو ٹاؤ ن تھانہ اور پولیس نے اس کو باپ تک پہنچا دیا۔ شوہر کا کہنا تھا کہ بیوی کا ذہنی توازن درست نہیں ہے۔
فرمان الہی
نماز کے اوقات
