پاک افغان سرحدی فورسز میں تاحال کوئی رابطہ نہیں ہوا

چمن بارڈر پر باب دوستی کھولنے سے متعلق پاک افغان فورسز کے درمیان ڈیڈلاک برقرار ہے ،دوستی گیٹ آج نویں روز بھی آمدورفت کےلئے بند اور تجارتی سرگرمیاں معطل ہیں۔

آج نویں روز بھی سرحدی فورسز کے درمیان کوئی باضابطہ رابطہ نہیں ہو سکا ہے۔ بندش کے سبب نیٹو سپلائی،ٹرانزٹ ٹریڈ سمیت ہرقسم کی دوطرفہ تجارت اور پیدل آمدورفت بھی معطل ہے ۔سرحد کے دونوں جانب سیکڑوں شہری بھی پھنس گئے ہیں۔ سیکڑوں مال بردار ٹرکوں کی لمبی قطاریں لگی ہوئی ہیں ۔

حکام کا کہنا ہے کہ باب دوستی کھولنے سے متعلق فیصلہ پاک افغان اعلیٰ حکام ہی کریں گے۔