کراچی(اسٹاف رپورٹر) سماء آصف نے آل سندھ عمر ایسوسی ایٹس بیڈمنٹن چیمپئن شپ میں ڈبل کرائون حاصل کرلیا۔ انہوں نے ویمنز سنگلز اور ڈبلز کے مقابلوں میں کامیابی حاصل کرکے یہ کارنامہ انجام دیا، علی الیاس نے مینز سنگلز میں میدان مارلیا۔ ڈبلز میں عاقب مسعود اور عمر طیب نے ٹائٹل حاصل کیا۔ بوائز انڈر18 کیٹیگری کا انفرادی ٹائٹل دانیال علی کے نام رہا۔ عمر ایسوسی ایٹس کے منیجنگ ڈائریکٹر ندیم عمر نے کرنل نعیم اظہر خان، آفتاب لودھی و دیگر کے ہمراہ انعامات تقسیم کئے۔ چیمپئن شپ میں کراچی کی سماءآصف نے ویمنز سنگلز کے فائنل میں مریم حنیف کو یکطرفہ مقابلے میں 2-0 جبکہ ویمنز ڈبلز میں روشین کی شراکت میں دعاء حسن اور امبر غزالی کو اسٹریٹ سیٹس شکست دی۔ مینز سنگلز فائنل میں علی الیاس نے احسن رانا کو، مینزڈبلز میں عاقب مسعود اور عمر طیب نے قمر سلیم اور فہد کو زیر کیا۔ بوائزانڈر18کے انفرادی ایونٹ میں دانیال علی نے حبیب احمد کو ہرایا۔
فرمان الہی
نماز کے اوقات
