علامہ اقبال انٹر نیشنل ایئرپورٹ پر سونا اسمگل کرنے والی خاتون سے چالیس تولے سونا بر آمد کر لیا گیا۔ حکام نے سونا قبضے میں لے کر خاتون کو سعودی عرب جانے کی اجازت دیدی۔
کسٹمز حکام کے مطابق پاکستانی نژاد کینیڈین خاتون روبینہ کھرل لاہور سے سعودی عرب جا رہی تھیں ، دوران تلاشی خاتون کے قبضے سے چالیس تولہ سونے کے چار بسکٹ بر آمد ہوئے ۔ کسٹمز حکام نے خاتون مسافر کو سعودی عرب جانے کی اجازت دے دی اور سونا قبضے میں لے لیا۔
کسٹمز حکام نے خاتون سے سونے کی رسیدیں اور ملکیتی ثبوت طلب کر لیے ہیں، جن کی جانچ پڑتال کے بعد سونا خاتون کے حوالے کرنے کا فیصلہ کیا جائے گا۔
فرمان الہی
نماز کے اوقات
