• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

9 مئی محسن نقوی اور آئی جی پنجاب کا ڈراما ہے، اسد قیصر

تازہ ترین
قومی خبریں
29 اپریل ، 2024


رہنما تحریک انصاف اسد قیصر نے 9 مئی کی تحقیقات کےلیے جوڈیشل کمیشن بنانے کا مطالبہ کردیا اور کہا کہ 9 مئی محسن نقوی اور آئی جی پنجاب کا ڈراما ہے۔

قومی اسمبلی اجلاس سے خطاب میں اسد قیصر نے کہا کہ 9 مئی واقعے کو پی ٹی آئی کو دبانے کےلیے استعمال کیا گیا۔

ہمیشہ کی طرح آج بھی پی ٹی آئی کے ساتھ ہوں، خدیجہ شاہ

9مئی کیس کی ملزمہ خدیجہ شاہ نے کہا ہے کہ ہمیشہ کی طرح آج بھی پاکستان تحریک انصاف (پی ٹی آئی) کے ساتھ ہوں۔

انہوں نے کہا کہ ہم نے 9 مئی واقعات کی تحقیقات کےلیے جوڈیشل کمیشن بنانے کا مطالبہ کیا ہے۔

اسد قیصر نے استفسار کیا کہ بتایا جائے کیا ملک میں آئین معطل ہے؟ کیا یہ ملک آزاد ہے یا یہاں مارشل لاء لگا ہے؟

ان کا کہنا تھا کہ سینیٹ میں آپ کی پارٹی کا چیئرمین ہے، جرات کریں اور ہماری جماعت کے لوگوں کے پروڈکشن آرڈر جاری کرائیں۔

پی ٹی آئی رہنما نے مزید کہا کہ اس وقت ملک کے 3 وزرائے اعظم ہیں، جن میں ایک شہباز شریف، دوسرا اسحاق ڈار اور تیسرا محسن نقوی ہے۔ سارا اختیار محسن نقوی کے پاس ہے، وہی اقتدار کی طاقت کا سرچشمہ ہے۔

پی ٹی آئی سے مذاکرات سے انکاری نہیں، فضل الرحمان

جمعیت علماء اسلام (جے یو آئی) پاکستان کے سربراہ مولانا فضل الرحمان نے کہا ہے کہ پی ٹی آئی سے مذاکرات سے انکاری نہیں۔

انہوں نے کہا کہ پنجاب میں گندم کی خریداری کے معاملے پر بحث کےلیے دن مقرر کیا جائے۔

اسد قیصر کا کہنا تھا کہ کیا وجہ ہے کہ ہمیں جلسے کرنے سے روکا جارہا ہے؟ پوچھتا ہوں کس قانون کے تحت ہمیں جلسے کی اجازت نہیں دی جارہی۔

دوران خطاب سابق اسپیکر قومی اسمبلی نے کراچی سے منتخب ہونے والے ارکان قومی اسمبلی کو مسترد شدہ قرار دیا، ان ریمارکس پر ایم کیو ایم ارکان نے احتجاج کیا۔

قومی خبریں سے مزید