لاہور(نمائندہ جنگ) اسپیکر قومی اسمبلی سردار ایاز صادق نے کہا ہے کہ پاناما کیس کا نتیجہ اچھانکلے گا ، بلاول بھٹو منتخب ہو کر اسمبلی آئیں انہیں خوش آمدید کہیں گے، پاناما کیس کا نتیجہ اچھا نکلے گا، بھارت کشمیر کی وجہ سے بے بس اور پریشان ہے، پاکستان نے ہر فورم پر کشمیریوں کے حق میں آواز اٹھائی اور دہشتگردی کا بھی موثر جواب دیا ، وزیراعظم نواز شریف کی جانب سے امریکی صدر ڈونلڈ ٹرمپ کو فون کرنا کوئی حیرانی کی بات نہیں، اسے ایشو نہ بنایا جائے۔ صحافیوں کے تحفظ کیلئے قومی اسمبلی میں بل لائیں گے۔ جو اینکرز لوگوں کی پگڑیاں اچھالتے ہپں،ان کے خلاف بھی بل لائیں گے۔میڈیا سے گفتگو کرتے ہوئے گزشتہ روز سردار ایاز صادق نے کہا کہ ہندوستان بے بسی کے عالم میں ہے، مقبوضہ کشمیر میں بے گنا لوگوں کو مارا گیا ہے۔ پاکستانی افواج بھارت کو زیادہ منہ توڑ جواب دیتی ہے۔ بھارت میں کرنسی بحران سے پوری قوم کادھیان اس طرف چلا گیا لیکن ہمیں ہر صورت اقوام عالم کی توجہ کشمیر کی جانب مبذول کرانی ہے۔انہوں نے کہا سی پیک بڑا منصوبہ ہے، آنے والی نسلیں اس سے مستفید ہوں گی۔ مسلم لیگ (ن) کے دور میں ریکارڈ ترقیاتی کام کیے گئے۔ ماضی میں 15سے 16گھنٹے لوڈ شیڈنگ کی جاتی تھی تاہم اب صورتحال مختلف ہے۔ایاز صادق نے کہا کہ پاکستان پیپلز پارٹی ملک کی بڑی سیاسی جماعت ہےاس کے قائدین اور ورکرز کو لاہور میں خوش آمدید کہتے ہیں۔انھوں نے لاہور میں بسنت منانے کے فیصلے کو خوش آئند قرار دیتے ہوئے کہا کہ قاتل ڈور کے خاتمے اور سکیورٹی انتظامات کو یقینی بنایا جائے گا۔
فرمان الہی
نماز کے اوقات
