جہلم/راولپنڈی(نمائندہ جنگ) جہلم کے قریب جی ٹی روڈ پر کار اورمسافروں سے بھری ویگن کی ٹکر میں 14افراد جاں بحق اور 4شدید زخمی ہوگئے۔ کار راولپنڈی سے جہلم جارہی تھی کہ ٹائر پھٹنے کے باعث مسافروین سے ٹکراگئی۔ریسکیو ذرائع کے مطابق لاشوں اور زخمیوں کو اسپتال منتقل کردیا گیا، سات لاشیں تحصیل ہیڈکوارٹر اسپتال سوہاوہ منتقل کی گئیں۔ پولیس اور اسپتال انتظامیہ کے مطابق 11افراد موقع پر ، 3اسپتال میں دم توڑ گئے ، ہلاک و زخمی ہونیوالوں میں خواتین اور بچے بھی شامل ہیں۔ زخمیوں میں سے کئی کی حالت تشو یشنا ک بتائی جارہی ہے۔ وزیراعلیٰ پنجاب شہباز شریف نے ٹریفک حادثے میں قیمتی جانوں کے ضیاع پر افسو س کا اظہار کیا ہے۔
فرمان الہی
نماز کے اوقات
