کراچی(اسٹاف رپورٹر)پاکستان واپڈا نے 54 ویں قومی بیڈمنٹن چیمپئن شپ کے مینز اور ویمنز کیٹیگری کے ٹیم ایونٹ کے مقابلوں میں کامیابی حاصل کرلی ہے، جبکہ چیمپئن شپ کے انفرادی مقابلے پری کوارٹر فائنل مرحلے میں داخل ہوگئے۔ ہفتہ کو ہونیوالے مردوں کے مقابلوں میں واپڈا کے حافظ عرفان سعید نے آرمی کے طیب بشیر کو 2-0 سے اسی طرح ایچ ای سی کے عاقب ، واپڈا کے عامر سعید ، پنجاب کے شہروز جمال ، واپڈا کے عاطق چوہدری ، نیشنل بینک کے مراد علی ، سندھ کے فرحان محب ، واپڈا کے علی مہدی ، واپڈا کے احسن آصف ، ایس این جی پی ایل کے احمد طارق جبکہ خواتین کے مقابلوں میں واپڈا کی سحر اکرم ، ایس این جی پی ایل کی زبیرہ ، واپڈا کی انیلہ رشید ، واپڈا کی صباء رشید ، بلو چستان کی میمونہ امیر ، واپڈا کی ماھور شہزاد نے کامیابی حاصل کی۔ اس سے قبل گزشتہ شب ہونیوالے ٹیم ایونٹ کے مقابلوں میں پاکستان واپڈا نے میدان مارلیا، مردوں کے فائنل میں واپڈا نے دفاعی چیمپئن نیشنل بینک کو سخت مقابلے میں 3-2 سیٹس سے شکست دی۔ مقابلون میں ہائیر ایجوکیشن کمیشن نے تیسری پوزیشن حاصل کی۔ ویمنز کے فائنل میں بھی واپڈا نے نیشنل بینک کو شکست سے دوچار کیا، فاتح ٹیم نے اسٹریٹ سیٹس میں 3-0 سے فتح کو گلے لگایا۔ سندھ نے تیسری پوزیشن حاصل کی۔
فرمان الہی
نماز کے اوقات
