اسلام آباد (نمائندہ خصوصی )پاکستان مسلم لیگ ق کے سینئرمرکزی رہنما و سابق نائب وزیراعظم چوہدری پرویزالٰہی نے کہا ہے کہ موجودہ حکمران بجلی نہیں مال بنا رہے ہیں، شہباز شریف بجلی بنانے جاتے ہیں مال بناکر آتے ہیں ،ان حکمرانوں نے کالاباغ ڈیم نہ بنا کر کسانوں کا بھی معاشی قتل کیا ہے، آپ نے ساتھ دیا تو ہم کالاباغ ڈیم بنا کر 16روپے کی بجائے صرف 3 روپے یونٹ بجلی دیں گے اور زرعی ٹیوب ویل فری چلائیں گے، صوبوں میں پانی کی لڑائی بھی ختم کرائیں گے۔ سرگودھا میں پرجوش ورکرز کنونشن سے خطاب کرتے ہوئے انہوں نے کہا کہ نوازشریف علاج کیلئے باہر جاتے ہیں ہم نے یہاں زرعی یونیورسٹی اور میڈیکل کالج بنوایا تھا اب ایسا کارڈیالوجی ہسپتال بنائیں گے کہ نوازشریف کا علاج بھی یہیں ہو۔
فرمان الہی
نماز کے اوقات
