برمنگھم(پ ر) یوکے اسلامک مشن سولی ہل برانچ کے زیر اہتمام بیڈمنٹن ٹورنامنٹ کا باقاعدہ آغاز ہوگیا۔ افتتاحی تقریب میں نائب ناظم محمد ضیاالحق، محمد غالب، کونسلر بشارت داد ناظم آلم راک برانچ، حاجی اللہ دتہ سمیت بڑی تعداد میں نوجوانوں نے شرکت کی۔ ٹورنامنٹ میں 16ٹیمیں حصہ لے رہی ہیں، ٹورنامنٹ دو ہفتہ جاری رہے گا۔ افتتاحی تقریب سے خطاب کرتے ہوئے مہمانوں نے کہا کہ کھیل نوجوانوں کی مثبت سرگرمیوں کا اہم حصہ ہیں جو ان میں ذہنی اور جسمانی قوت اور برداشت پیدا کرنے کے ساتھ جیت اور مقصد کے حصول کے لیے جدو جہد کرنے کے لیے تیاری کرتے ہیں ، اچھے کھلاڑی زندگی کے ہر شعبہ میں اچھی اور مثبت کارکردگی کا مظاہرہ کرتے ہیں۔ نوجوانوں کا کھیلوں کی طرف راغب ہونا اہم پیش رفت ہے جسے جاری رہنا چاہیے اور دیگر کھیلوں کے مقابلوں میں نوجوانوں کو بھرپور حصہ لینا چاہیے۔ ناظم یوکے اسلامک مشن سولی ہل برانچ بیرسٹر طاہر عبداللہ نے مختلف ٹیموں کے ساتھ مہمانوں کا تعارف کرایا، آخر میں خصوصی دعا کی گئی۔ افتتاحی میچوں میں مختلف ٹیموں کے کھلاڑیوں نے جوش وخروش سے حصہ لیا ۔
فرمان الہی
نماز کے اوقات
