پشاور(خبرنگار خصوصی) پاکستا ن میں تعینات آسٹریا کی سفیر ڈاکٹر برگیٹا بالاہا نے شہید بینظیر بھٹو وومن یونیورسٹی پشاور کا دورہ کیا اور وائس چانسلر پروفیسر ڈاکٹر رضیہ سلطانہ سے ملاقات کی۔ اس موقع پر آسٹریا اور پاکستان کے درمیان مشترکہ تعلیمی و تحقیقی سرگرمیوں اور پاکستانی طالبات کیلئے سکالرشپس کے اجرا ء پر تبادلہ خیال کیا گیا،آسٹریا کی سفیر نے یونیورسٹی کی انتظامیہ کواس ضمن میںہر ممکن تعاون کی یقین دہانی کرائی اور کہا کہ اس سے دونوں ممالک کے درمیان تعلقات مزید مستحکم ہوں گے۔ بعد ازاں، انہیں یونیورسٹی کے بارے میں تفصیلی بریفنگ دی گئی جبکہ انہوں نے یونیورسٹی کے مختلف شعبوں کا خصوصی معائنہ بھی کیا۔
فرمان الہی
نماز کے اوقات
