فرمان الہی
نماز کے اوقات
سابق وزیر اعلیٰ پنجاب چودھری پرویز الٰہی نے کہا ہے کہ شہباز شریف صحت کا بجٹ بھی اورنج ٹرین پر لگا رہے ہیں ،انہیں ڈاکٹروں اور مریضوں سے بد سلوکی کا حساب دینا ہوگا۔
پرویز الہٰی نے یہ بات ینگ ڈاکٹر ز ایسوسی ایشن کے عہدیدارو ں سے اپنی رہائشگاہ پر ملاقات کےدوران کہی ۔
چودھری پرویز الٰہی نے کہا کہ وہ ڈاکٹروں کے جائز مطالبات کے ساتھ ہیں اور چاہتے ہیں کہ ان پر حکومت پنجاب کی جانب سے ظلم اور تشدد کا سلسلہ بند کیا جائے۔
ان کاکہناتھا کہ اسپتالوں کا یہ حال ہے کہ ایک بستر پر تین، تین مریض پڑے ہیں اور کوئی ان کے دکھ میں شریک ہونے والا نہیں ہے۔
چودھری پرویز الٰہی نے کہا کہ حکومت پنجاب نے پہلے اسکولوں کو نجی شعبے کے حوالے کر کے ان کا بیڑا غرق کیا ہے اور اب سرکاری اسپتالوں کو اپنے من پسند افراد کو ٹھیکوں پر دے رہے ہیں ۔
