آسٹریا:پناہ کے متلاشیوں میں شامی افغان اور پاکستانی نمایاں

کراچی(نیوزڈیسک)آسٹریا کی وزارت داخلہ کا کہنا ہے کہ رواں برس پناہ کی تلاش میں آسٹریا آنے والے مہاجرین اور تارکین وطن کی تعداد گزشتہ برس کی نسبت نصف رہ گئی ہے اور پناہ کی درخواستیں جمع کرانے والوں میں افغان اور پاکستانی شہری نمایاں ہیں۔

آسٹرین وزارت داخلہ کی جانب سے جاری اعداد و شمار کے مطابق رواں برس کے آغاز سے لے کر جولائی کے اواخر تک ملکی حکام کو ساڑھے14ہزار سے کچھ زائد تارکین وطن نے اپنی سیاسی پناہ کی درخواستیں جمع کرائیں، ویانا حکومت کے مطابق یہ تعداد گزشتہ برس کے اسی دورانیے میں جمع کرائی گئی پناہ کی درخواستوں کے مقابلے میں تقریباًآدھی ہے۔