کوئٹہ(اسٹاف رپورٹر)صوبائی دارالحکومت کوئٹہ سمیت چار اضلاع پشین،قلعہ عبداللہ اور مستونگ میں پولیو مہم آج سے شروع ہوگی،مہم کےلئےتمام تیاریاں مکمل کرلی گئی ہیں،یہ بات ایمرجنسی آپریشن سینٹر کے کوآرڈینیٹر سید فیصل احمد نےبتائی ہے،انہوں نے بتایا کہ بلوچستان میں پولیو مہم صوبے کے چار اضلاع کی 127یونین کونسلز میں آج سے شروع ہو رہی ہےمہم میں مجموعی طورپر 3824ٹیمیں حصہ لیں گی جن میں 3239موبائل، 371ٹرانزٹ پوائنٹس اور 214فکسڈ سائٹس ہونگی،انہوں نے بتایا کہ مہم کے حوالے سے سیکورٹی کے انتظامات بھی کرلئے گئے ہیں،تمام عملے کو فول پروف سیکورٹی دی جائیگی جس پر پولیس ،لیویز اور ایف سی کے جوان تعینات ہونگے،انہوں نے کہاکہ 2017میں اب تک پاکستان میں پولیو کے تین کیس رپورٹ ہوئےہیں،چونکہ پولیو وائرس ہمارے ماحول میں موجود ہے اوران بچوں کو اپنا نشانہ بناسکتاہے جو پولیوسے بچاؤ کے قطرے پینے سے محروم رہ جاتے ہیں،لہذا یہ والدین کی ذمہ داری ہے کہ وہ پولیو سے بچاؤ کی مہم کے دوران پولیو ورکروں سے بھرپور تعاون کریں اور اپنے بچوں کو پولیو ویکسین ضرور پلوائیں،انہوں نے کہاکہ بلوچستان حکومت کی جانب سے پولیو مہم میں معاونت اور اس ضمن میں اقدامات اطمینان بخش ہیں اور حکومت کی جانب سے تمام ضروری سہولیات فراہم کردی گئی ہیں،انہوں نے کہاکہ پولیو مہم کی کامیابی میں والدین کا کردار اتنہائی اہم ہے،اس کے علاوہ معاشرے کے تمام طبقات علماء کرام اور سول سوسائٹی کا کردار بھی اہم ہے، جبکہ مہم میں بلدیاتی نمائندوں کی خدمات بھی حاصل کی گئی ہیں انہوں نےکہاکہ مہم کی کامیابی کیلئے معاشرے کے تمام طبقوں سمیت میڈیا بھی مہم کی کامیابی میں کردار ادا کرے ۔
فرمان الہی
نماز کے اوقات
