فرمان الہی
نماز کے اوقات
وفاقی وزیر داخلہ احسن اقبال نےکہا ہے کہ اب کوئی آمر آئے یا سپریم کورٹ کا فیصلہ نوازشریف سے رشتہ ٹوٹنے والا نہیں، ڈو مور کہنےوالوں کو پیغام دیتا ہوں نو مور، نومور، بہت ہوچکا۔
اسلام آباد میں کنونشن سے خطاب میں احسن اقبال نے کہا کہ سپریم کورٹ کو سیاسی جماعت میں تبدیل کرنے کی خواہش رکھنےوالے آئین اور قانون کے دشمن ہیں، چور دروازے کا قانون سیاسی جماعتوں کو قیادت سے جدا نہیں کر سکتا ۔
ان کا مزید کہنا تھا کہ مسلم لیگ ن نے ہر انتقامی ہتھکنڈے کا سامنا کیا، نواز شریف آپ کی شرافت کی وجہ سے ہمیں آپ سے لگاؤ ہے ۔
وفاقی وزیر داخلہ نے کہا کہ ملک میں جمہوریت مضبوط نہیں ہوگی تو دفاع بھی مضبوط نہیں ہوگا، ہمارا نوازشریف سے جو رشتہ ہے وہ ٹوٹنے والا نہیں۔
انہوں نے یہ بھی کہا کہ سپریم کورٹ کو سیاسی جماعت میں تبدیل کرنے کا خواہشمند آئین، انصاف، پاکستان کادشمن ہے، پاکستان کی سیاست اور جمہوریت پر عوام کا حق ہے ۔
