بٹ کوائن، قیمت 5ہزار ڈالر سے تجاوز کرگئی

دنیا میں سب سے زیادہ استعمال ہونے والی ڈیجیٹل کرنسی بٹ کوائن نے پہلی دفعہ پانچ ہزار ڈالرز کی حد کو عبور کرلیا ہے۔اس طرح ایک بٹ کوائن کی قیمت 5لاکھ 62ہزار 802روپے ہوگئی ہے ۔

اس سے قبل اگست میں اس نے چار ہزار ڈالرز کی حد کو عبور کیا تھا مگر اس کے بعد اس کی قیمت میں کمی دیکھنے میں آئی جس کی وجہ چین کی جانب سے ورچوئل کرنسیوں کے خلاف کریک ڈاؤن کا اعلان اور روس کا ایسا عندیہ تھا۔