آپ آف لائن ہیں
منگل4؍شوال المکرم 1439ھ 19؍جون 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکی ریاست کیلیفورنیا کے جنگلات میں لگنے والی آگ پر چار روز بعد بھی قابو نہیں پایا جاسکا ۔ آگ کے نتیجے میں ہونے والی ہلاکتوں کی تعداد 31 ہوگئی ۔سیکڑوں افراد اب بھی لاپتا ہیں،حکام نے ہلاکتوں میں اضافے کا خدشہ ظاہر کیا ہے ۔

کیلیفورنیا کے محکمۂ جنگلات کے مطابق ریاست کی مختلف کاؤنٹیز میں 22 مقامات پر آگ لگی ہوئی ہے جس سے اب تک ساڑھے تین ہزار سے زائد عمارتیں تباہ یا متاثر ہوئی ہیں، جبکہ خوفناک آگ ایک لاکھ 70 ہزار ایکڑ رقبے تک پھیل چکی ہے۔

x
Advertisement

حکام کے مطابق گرم اور خشک موسم کے باعث آگ تیزی سے پھیل رہی ہے ، جس پر قابو پانے کے لیے ریسکیو اہلکاروں کو مشکلات کا سامنا ہے۔

امریکی میڈیا کے مطابق آٹھ ہزار فائر فائٹرز اور دیگر اہلکارآگ پرقابول پانے میں مصروف ہیں جب کہ درجنوں ہوائی جہاز بھی آگ بجھانے کی کارروائیوں میں شریک ہیں ۔

حکام کا کہنا ہے کہ آگ سے متاثرہ علاقوں میں 500 کے قریب افراد لاپتا ہیں جبکہ سیکڑوں افراد دھویں سے متاثر ہونے اور جھلسنے کے باعث اسپتالوں میں زیر علاج ہیں۔

Chatاپنی رائے سے آگاہ کریں