پشاور(خصوصی نامہ نگار)فرنٹیئر کالج برائے خواتین پشاور نے گورنمنٹ گرلزڈگری کالج باچاخان کو تین ایک سے شکست دیکرانٹر گرلز کالجز بیڈمنٹن ٹورنامنٹ جیت لیامہمان خصوصی بورڈ آف انٹر میڈیٹ اینڈ سیکنڈری ایجوکیشن پشاور کے ڈائریکٹر سپورٹس منظر خان نے کھلاڑیوں میں انعامات تقسیم کئے، آرگنائزنگ کمیٹی کی سیکرٹری اور فرنٹیئر کالج کی ڈائریکٹر سپورٹس رحم بی بی اور نجمہ ناز قاضی بھی موجود تھیں۔ ہائیرایجوکیشن ڈیپارٹمنٹ کے زیراہتمام پشاور میں جاری گرلزانٹرکالجز سپورٹس فیسٹیول کے سلسلے میں تعلیمی بورڈ کے جمنازیم ہال میں کھیلے جانیوالے بیڈمنٹن ٹورنامنٹ کے پہلے سنگل میں فرنٹیئر کالج کی عنبرین نے گورنمنٹ گرلز ڈگری کالج باچاخان کی سدرہ کو دو صفر،دوسرے سنگل میں گورنمنٹ گرلز ڈگری کالج باچاخان کی سدرہ نے فرنٹیئر کالج کی شبینہ کودو ایک ، پہلے ڈبلز میںفرنٹیئر کالج کی عنبرین اور سارہ کی جوڑی نے گورنمنٹ گرلز ڈگری کالج باچاخان کی سدرہ اور رانی کواور دوسرے ڈبلزمیں فرنٹیئر کالج کی اقراء اور مومنہ نے گورنمنٹ گرلز ڈگری کالج باچاخان کی حمیرہ اور خکلاکو دو صفر سے شکست دیکر ٹائٹل جیت لیا۔
فرمان الہی
نماز کے اوقات
