کراچی (جنگ نیوز) وفاقی وزیر داخلہ احسن اقبال نے کہا ہے کہ پاکستان میں مارشل لا کا کوئی امکان نہیں، میں اس امکان کو یکسر مسترد کرتا ہوں۔ فوجی قیادت قانون پر یقین رکھتی ہے۔ اِن خیالات کا اظہار اُنہوں نے ”جیونیوز“ کے پروگرام ”جرگہ“ میں میزبان سلیم صافی سے گفتگو کے دوران کیا۔ مختلف سوالات کے جواب میں احسن اقبال کا کہنا تھا کہ اِس وقت پاکستان میں مارشل لا لگانا پاکستان توڑنے کے مترادف ہوگا اور پاکستان کا کوئی بھی محب وطن پاکستان توڑنے کے فارمولے پر عمل نہیں کرسکتا۔ فوجی قیادت واضح طو رپر یہ کہہ چکی ہے کہ ہم آئین و جمہوریت پر یقین رکھتے ہیں۔ امریکا میں موجود کچھ لابیز مارشل لا کی خواہش مند ہوسکتی ہیں جو پاکستان کو ناکام ریاست قرار دلواکر پاکستان کو ایٹمی صلاحیت سے محروم کرنا چاہتی ہیں۔ وفاقی وزیر داخلہ احسن اقبال کا خصوصی انٹرویو ہفتے کی رات 10 بجکر5 منٹ پر ”جیونیوز“ سے نشر کیا جائے گا۔
فرمان الہی
نماز کے اوقات
