کراچی (اسٹاف رپورٹر) انٹرنیشنل بیڈمنٹن سیریز جمعرات سے اسلام آباد میں شروع ہوگئی۔ افتتاح وفاقی وزیر برائے بین الصوبائی رابطہ ریاض حسین پیر زادہ نے کیا۔تقریب میں پاکستان اسپورٹس بورڈ کے ڈائریکٹر جنرل ڈاکٹر اختر نواز گنجیرا، ڈپٹی ڈائریکٹر جنرل ایڈمن منصور علی خان ، پاکستان بیڈمنٹن فیڈریشن کے سیکرٹری واجد علی سمیت مختلف ممالک کے سفارتکاروں نے شرکت کی۔ پہلے روز کھیلے رائونڈ میں انجم بشیر نے مالدیپ کے احمد نبیل کو شام کے الجلاد احمد نے سبحان جمیل ، ویت نام ڈک لی نے حاشر بشیر ، ترکی کے یوسف رمضان نے عبدالرحمان، پاکستان کے شعیب ریاض نے افغانستان کے انعام اللہ فاخر ، اویس زاہد نے ترکی کے انس سی میلان، مرادعلی نے ویت نام کے کوائنگ ٹران، عامر سعید نے کمبوڈیا کے حسین ٹپ اور محمد مغیث طاہر نے محمدرضوان کو ہرادیا۔ ٹورنامنٹ 12 نومبر تک جاری رہےگا۔
فرمان الہی
نماز کے اوقات
