پشاور(خصوصی نامہ نگار) نظامت کھیل فاٹاکے زیراہتمام پہلے فاٹا انٹر سکولز سپورٹس گالا کے بیڈمنٹن ایونٹ میں کرم ایجنسی نے پہلی پوزیشن حاصل کی، فائنل میں کرم ایجنسی نے مہمند ایجنسی کو ہرایا، سیکرٹری سپورٹس میاں محمد نے کھلاڑیوں میں انعامات تقسیم کئے، ڈائریکٹر سپورٹس نوازخان ،ایجنسی سپورٹس منیجر خیبرایجنسی راحید گل ملاگوری ، سپورٹس منیجر ایف آر بنوں نوراﷲ وزیر، سعید اختر، ایوب خان ،اعوان حسین ،خورشیداقبال، خیبرگرین کرکٹ کلب کے صدر حاجی تیمور آفریدی بھی ان کے ہمراہ تھے۔ اتھلیٹکس مقابلوں میں جیولن تھرو میں خیبر ایجنسی کے ایم عاصم نے 128.10 میٹر کے ساتھ پہلی ‘ایف آر کوہاٹ کے ہمایون نے 118.9 میٹر کے ساتھ دوسری اور خیبر ایجنسی کے عبدالوہاب نے 108.6 میٹر کیساتھ تیسری پوزیشن حاصل کی۔شاٹ پٹ میں خیبر ایجنسی کے عاصم نے پہلی ‘بشیر احمد نے دوسری جبکہ کرم ایجنسی کے عبدالحنان نے تیسری ، ڈسکس تھرو میں خیبر ایجنسی کے نور عالم نے پہلی ‘ایف آر کوہاٹ کے نعمان نے دوسری اور کرم ایجنسی کے عبدالرئوف نے تیسری پوزیشن حاصل کی۔کرکٹ میں ایف آر بنوں نے ٹانک کو دو رنز سےہرایاایف آر بنوں نے پہلے کھیلتے ہوئے 130 رنز سکور کئے واحد نے 23 ‘عمران نے 33 اور اسحاق نے 17 ر نز بنائے۔ جواب میں ٹانک کی ٹیم 128 رنز بنا کر آئوٹ ہوگئی ‘والی بال میں اورکزئی ایجنسی نے شمالی وزیرستان کو 16-25، 22-25 اور 17-25 سے ہرایا۔ ٹیبل ٹینس فائنل میں باجو ایجنسی نے خیبر ایجنسی کو صفر کے مقابلے میں تین گیمز سے ہرا کرٹرافی اپنے نام کرلی۔
فرمان الہی
نماز کے اوقات
