پشاور(خصوصی نامہ نگار)بورڈ آف انٹر میڈیٹ اینڈ سیکنڈری ایجوکیشن پشاور کے زیر اہتمام انٹر کالجیٹ گرلز بیڈمنٹن ٹورنامنٹ کے پہلے روز فرنٹیئر کالج اور نشتر آباد کی کھلاڑیوں نے کوارٹر فائنل رائونڈ کیلئے کوالیفائی کرلیا تعلیمی بورڈ کے ڈائریکٹر سپورٹس منظر خان نے ٹورنامنٹ کا افتتاح کیا۔تعلیمی بورڈ کے جمنازیم میں کھیلے جانیوالے انٹر کالجیٹ گرلز بیڈمنٹن ٹورنامنٹ سنگلز ایونٹ میں گورنمنٹ گرلز ہائیر سیکنڈری سکول نشتر آباد کی زبیدہ نے گورنمنٹ گرلز کالج جمرود کی کائنات کوجبکہ ڈبلز ایونٹ میں گورنمنٹ گرلز ہائیر سیکنڈری سکول نشتر آباد کی زبید ہ اورگل کاش نے گورنمنٹ گرلز کالج جمرود کی کائنات اور خوشبو کو ہرایا، فرنٹیئر کالج کی ٹیم نے گرلز کالج نشتر آباد کو ہرایا۔
فرمان الہی
نماز کے اوقات
