اولڈہم(نمائندہ جنگ)آل بریٹن بیڈمنٹن ٹورنامنٹ کا انعقادکشمیر بیڈمنٹن کلب کے زیر انتظام اولڈہم کے پاکستانی کمیونٹی سینٹر میں کیا گیا،جس میں ناٹنگھم، مڈلزبرا، بریڈفورڈ، شفیلڈ، پریسٹن، لیڈز اور برطانیہ کے دیگر علاقوں سے ٹیموں نے شرکت کی۔ٹورنامنٹ میں ڈبلز، سنگلز کے ساتھ ساتھ جونئیرز کے مقابلے بھی کروائے گئے جس میں نوجوانوں نے بڑھ چڑھ کر حصہ لیا۔ منتظمین کے مطابق یہ ٹورنامنٹ ہر سال منعقد کروایا جاتا ہے کیونکہ یہ نہ صرف صحت کے لیے مفید ہے بلکہ ان ساتھیوں کے ساتھ مل بیٹھنے کا ذریعہ بھی ہے۔ ڈبلز کے مقابلوں میں فائنل مقابلہ کیتھلی اور پرسٹن کی ٹیموں کے مابین کھیلا گیا جس کو کیتھلی کی ٹیم نے جیتا۔ منتظمین نے برطانیہ کے دیگر شہروں میں بھی ایسے مقابلے منعقد کروانے کا اعلان کیا ہے۔ٹورنامنٹ کے اختتام پر جیتنے والی ٹیم، رنراپ اور بہترین کارکردگی دکھانے والوں کو ٹرافیاں بھی دیں گئیں۔
فرمان الہی
نماز کے اوقات
