ملتان (اسپورٹس ڈیسک) انگلش آ ل رائونڈر بین اسٹوکس کے لئے کرکٹ دروازے بدستور کھلے رہیں گے۔ برسٹل کلب کے جھگڑے پر فرد جرم عائد ہونے کے باوجود بھی وہ نہ صرف انگلینڈ بلکہ کہیں بھی کرکٹ کھیل سکیں گے، اس بات کا اعلان گزشتہ روز انگلینڈ کرکٹ بورڈ نے اجلاس کے بعد کیا۔ بورڈ کے مطابق ہم قانون اور عدالتی تقاضوں کا احترام کرتے ہیں، اس لئے ٹرائل کے وقت کرکٹر عدالتی کارروائی کے لئے دستیاب ہونگے، تاہم موجودہ وقت میں ان کو کرکٹ میدانوں سے مزید دور رکھنا نا انصافی ہوگی، یہ بھی کہا گیا ہےکہ ستمبر میں واقعہ کے بعد بین اسٹوکس کو نہ صرف ویسٹ انڈیز کے خلاف جاری سیریز سے باہر رکھا گیا بلکہ اسکے بعد ایشز اور ون ڈے سیریز کے لئے بھی سلیکٹ نہیں کئے گئے، لیکن اب وہ انگلش ٹیم کو دستیاب ہونگے اور اگلے ماہ نیوزی لینڈ میں ٹی 20 سیریز میں ایکشن میں ہونگے۔ انگلینڈ کرکٹ بورڈ کے اس اعلان کے بعد آئی پی ایل کی تمام فرنچائزز ان کے حصول کی کوشش کرتی دکھائی دیں گی جس کے لئے کھلاڑیوں کی بولی اس ماہ کی 27 اور 28 تاریخ کو ممبئی میں ہوگی۔
فرمان الہی
نماز کے اوقات
