70 سال سے زائد عمر کے افراد کیلئے گھر بیٹھے ڈرائیونگ لائسنس بنوانے کی سہولت کا اعلان

وفاقی وزیرِ داخلہ محسن نقوی نے اسلام آباد کے 70سال سے زائد عمر کے افراد کو آج سےگھر بیٹھے ڈرائیونگ لائسنس بنوانے کی سہولت کا اعلان کر دیا۔

محسن نقوی نے لاہور میں پاسپورٹ آفس کا دورہ کیا، اس دوران انہوں نے کہا کہ ہمارا مقصد اسلام آباد کے شہریوں کے لیے سہولتوں میں اضافہ کرنا ہے۔

اُنہوں نے کہا کہ پاسپورٹ فیس دے کر  بنوانا ہوگا، دوستی یاری کا معاملہ نہیں ہوگا، پاسپورٹ کی اتھارٹی بننی چاہیے، مالی مسائل کی وجہ سے تاخیر ہوتی ہے۔

رشوت لینے پر لاہور پاسپورٹ آفس کے افسران تبدیل

وفاقی وزیرِ داخلہ محسن نقوی نے لاہور پاسپورٹ آفس میں کھلم کھلا رشوت لیے جانے پر ڈائریکٹر اور اسسٹنٹ ڈائریکٹر کو تبدیل کر دیا۔

محسن نقوی نے بانیٔ پی ٹی آئی سے ڈیل کے سوال پر جواب دیتے ہوئے کہا کہ جو ڈیل کر رہےہیں، ان سےپوچھیں، میرے علم میں تو ایسی کوئی بات نہیں ہے۔