-
فرمان الہی
-
نماز کے اوقات
- منگل5؍ذیقعد 1445ھ 14؍مئی 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
سعودی عرب کے شہر جدہ میں دنیا کا بلند ترین ٹاور تعمیر کیا جارہا ہے جس کے لیےر ئیل اسٹیٹ ڈویلپرز نے 620 ملین ریال (165 ملین ڈالرز)کا معاہدہ کیا ہے۔
سعودی اخبار کے مطابق جدہ میں بنائے جانے والا یہ ٹاور دبئی میں واقع برج خلیفہ کو بھی پیچھے چھوڑ دےگا اور پہلے نمبر پرسب سے بلند ترین ٹاور کہلائے جائے گا۔ ایک رپورٹ کے مطابق برج خلیفہ کی اُنچائی 828 میڑہے جبکہ یہ فلک بوس ٹاور1000 میڑ بلند تعمیر کیا جائے گا۔
سعودی عرب کی ’الفوزان جنرل کنٹریکٹنگ کمپنی ‘کو یہ کنٹریکٹ دیا گیا ہے۔ کمپنی کی جانب سے اس بات کی یقین دہانی کرائی گئی ہے کہ یہ ٹاور 12 ماہ میں مکمل ہوجائے گا۔ اس کی حقیقی لاگت 1.2 بلین ڈالرزہے۔
جدہ اکنامک کمپنی کے سی ای او ’منیب حماد ‘ کا کہنا ہے کہ اس ٹاور کا بننا ترقی کی جانب پہلا قدم ہے۔ ا نہوں نے کہا کہ 2020 تک یہاں بے شمار شاپنگ مالز، ہوٹلز اور دیگر سیاحتی مقامات موجود ہوں گے۔
منیب حماد نے بتایا کہ اس ٹاورکی 7 منزلوں پر آفس بنیں گے جبکہ باقی کی منزلوں پر 5 اسٹار ہوٹلز اور رہنے کے لیے اپارٹمنٹ تعمیر کیے جائیں گے۔ اس ٹاور کا ایک فائدہ یہ بھی ہوگا کہ ہزاروں کی تعداد میں بے روزگاروں کو روزگارفراہم کیا جائے گا۔
یہ منصوبہ کئی برسوں سے زیر غور تھا اور اس سے قبل کہا جارہا تھا کہ اسے 2020 میں مکمل کرلیا جائے گا۔
