آپ آف لائن ہیں
اتوار 4؍رمضان المبارک 1439ھ 20؍مئی 2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Asma Jahangir Buried

معروف قانون دان اور سماجی کارکن عاصمہ جہانگیر کو بیدیاں روڈ پر ان کے فارم ہاؤس میں سپرد خاک کردیا گیا۔اس موقع پر سیاسی و سماجی شخصیات، وکلا اور زندگی کے ہر شعبے سے تعلق رکھنے والے افراد نے بڑی تعداد میں شرکت کی ۔

قبل ازیں عاصمہ جہانگیر کی نماز جنازہ قذافی اسٹیڈیم میں اداکی گئی ، اس موقع پر سیکورٹی کے سخت انتظامات کیے گئے تھے۔عاصمہ جہانگیرکی نماز جنازہ سید حیدر فاروق مودودی نے پڑھائی۔

x
Advertisement

عاصمہ جہانگیر کے خاندانی ذرائع کا کہنا ہے کہ عاصمہ جہانگیر کی صاحبزادی سلیمہ آج بیرون ملک سے واپس پاکستان پہنچیں،جس کے بعدعاصمہ جہانگیر کی تدفین کا عمل تکمیل تک پہنچا۔

اس سے پہلے سابق وزیر اطلاعات سینیٹر پرویز رشید اور چیئرمین سینیٹ رضا ربانی نے بھی عاصمہ جہانگیر کی تدفین سرکاری اعزاز کے ساتھ کرنے کا مطالبہ کیا تھا،ان کے علاوہ سپریم کورٹ بار کے 3سابق صدور علی احمد کرد اور بیرسٹر علی ظفر اور کامران مرتضیٰ نے بھی یہی مطالبہ کیا تھا۔

واضح رہے کہ عاصمہ جہانگیر کے انتقال پر ملک بھر کی عدالتوں میں دوسرے روز بھی سوگ ہے جبکہ سینیٹ میں تعزیتی ریفرنس پیش اور معروف قانون دان کو زبردست خراج عقیدت پیش کیا گیا جبکہ قومی اسمبلی میں تعزیتی قرارداد منظور کی گئی۔

​​
Chatاپنی رائے سے آگاہ کریں