امریکا میں شدید بارشیں، خاتون ہلاک ،متعدد گاڑیاں ڈوب گئیں

امریکا کے جنوب اور وسط مغربی حصوں میں شدید بارشوں کے بعد سیلابی صورتحال ہے جبکہ امریکی ریاست کینٹکی میں ایک خاتون ہلاک ہو گئیں۔

کینٹکی کے شہرلوئس ویلی میں بارشوں کے بعد سڑکیں تالاب بن گئیں،متعدد گاڑیاں پانی میں ڈوب گئیں ،متاثرہ علاقوں میں سیکڑوں شہری گھر بار چھوڑ کر محفوظ مقامات پر منتقل ہو گئے ،کینٹکی میں گورنر نے ایمرجنسی نافذ کر دی ہے۔

نیشنل ویدر سروس نے وسط مغربی علاقوں میں آج بھی بارشوں کا امکان ظاہر کیا ہے۔