دبئی میں 15مقامات پر اسمارٹ پیڈسٹیرین لائٹس نصب

دبئی میں پیدل چلنے والوں کیلئے 15مختلف مقامات پر اسمارٹ پیڈسٹیرین لائٹس نصب کردی گئیں۔

پیدل چلنے والوں کیلئے عام طور پر ٹریفک کے درمیان سڑک پار کرنا بے حد دشوار ہوتا ہے اوراکثر ڈرائیور یا پیدل چلنے والوں کی جلد بازی کی وجہ سے خطرناک حادثات پیش آجاتے ہیں۔

دبئی میں پیدل چلنے والوں کی اسی مشکل کو دور کرنے اور حادثات کو قابو کرنے کیلئے سڑک پر ایل ای ڈی لائٹس سے مزین اسمارٹ پیڈسٹرین لائٹس نصب کردی گئی ہے۔

دبئی کے پندرہ مختلف مقامات پر نصب کی گئی یہ پیڈسٹیرین لائٹس سینسر کے ذریعے سڑک پر چلنے والوں کی حرکات کو نوٹ کرتی ہیں اور پھر اُسی مناسبت سے پیدل چلنے والوں کیلئے اس اسمارٹ زیبرا کراسنگ لائٹس پر ہری بتی جل اُٹھتی ہے۔

سائیکل سواروں اور دیگر گاڑیوں کے ڈرائیورز کیلئے یہ لائٹس لال رنگ میں تبدیل ہوجاتی ہیں۔