بندروں کے بعد اب لگتا ہے کہ ہاتھیوں نے بھی نشہ کرنا شروع کردیا ہے۔
جی ہاں بھارتی ریاست کرناٹکا میں منہ سے دھواں اڑاتے ایک ہاتھی کی ویڈیو تیزی سے سوشل میڈیا پر وائرل ہورہی ہے، جس نے لوگوں کے ذہن میں کئی سوالات اٹھادئیے ہیں۔
بھارتی میڈیا رپورٹس کے مطابق وائلڈلائف کنزرویشن سوسائٹی نے گزشتہ دنوں اپنے فیس بک پیج پر منہ سے دھواں اُڑاتے ہوئے ایک ہاتھی کی ویڈیو شیئر کی ہے۔
اس بارے میں ماہرین کا کہنا ہے کہ ہاتھی کبھی کبھار جنگل سے کوئی جلی ہوئی چیز اٹھا لیتے ہیں اور اس کے دھوئیں سے بالکل اسی طرح لطف اندوز ہوتے ہیں جس طرح سگریٹ، سگار، پائپ یا حقہ پینے والے انسان کرتے ہیں تاہم اس بات میں کتنی سچائی ہے اس بارے میں کچھ نہیں کہا جاسکتا ۔
کرناٹک وائلڈلائف کنزرویشن سوسائٹی کے ایک افسر کا کہنا ہے کہ ویڈیو میں جس ہاتھی کو منہ سے دھواں اُڑاتے ہوئے دکھایا گیا ہے، اس کی عمر 30 سے 35 سال کے درمیان ہے۔