• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان، جہلم، مانچسٹر اور برطانیہ میرا فخر ہیں، افضل خان

آج کا اخبار
یورپ سے
09 اپریل ، 2018
مانچسٹر(غلام مصطفیٰ مغل)جہلم سے تعلق رکھنے والے شیڈو منسٹر افضل خان کو صدر پاکستان ممنون حسین کی طرف سے ’’ستارہ قائداعظم‘‘ ملنے پر جہلم فورم مانچسٹر کی جانب سے ان کے اعزاز میں تقریب کا اہتمام کیا گیا۔ اس موقع پرافضل خان نےکہا کہ پاکستان، جہلم، مانچسٹر اور برطانیہ میرا فخر ہیں۔ستارہ قائداعظم سے نوازنے پر حکومت پاکستان کا مشکور ہوں لیکن یہ اعزاز صرف میرا نہیں بلکہ پوری پاکستانی کمیونٹی کا ہے۔ کمیونٹی کی فلاح و بہبود کیلئےآئندہ بھی اپنی کوششیں جاری رکھوں گا۔ اس موقعپر مانچسٹر کے معروف بزنس مین اورجہلم فورم مانچسٹر کے صدر چوہدریانور یعقوب کا کہنا تھا کہ یہ اعزاز ہمارے لیے اہمیت اختیار کر گیا ہے کیونکہ افضل خان کا تعلق جہلم سے ہے۔ حکومت پاکستان کی جانب سے اوورسیز پاکستانیوں کو ان کی خدمات کے اعتراف میں نوازنے سے مزید لوگوں کو بھی تحریک ملے گی اور وہ بہتر انداز میں کمیونٹی کے لیے خدمات سر انجام دیں گے۔ گریٹر مانچسٹر پاکستانی ایسوسی ایشن کے چئیرمین ہارون کھٹانہ نےکہا کہ مانچسٹر کی کمیونٹی افضل خان کے اس اعزاز سے بے حد مسرور ہے۔ تقریب میں چوہدری عبدالرفیق، محی الدین چیمہ، شہزاد مرزا، سو لیسٹر جواد، کونسلر یاسمین ڈار، وسیم چوہدری، آصف مغل اور دیگر کمیونٹی عمائدین نے شرکت کی۔
تازہ ترین