فرمان الہی
نماز کے اوقات
اسلام آباد (آئی این پی) نیشنل رینکنگ بیڈمنٹن ٹورنامنٹ میں مینز سنگلز کا ٹائٹل عرفان سعید اور ویمنز سنگلز کا ٹائٹل ماحور شہزاد نے جیت لیا ۔ مینز ڈبلز کا ٹائٹل نیشنل بینک کے رضوان اعظم اور کاشف سلہری جبکہ وویمنز ڈبلز کا ٹائٹل پاکستان واپڈا کی ماحور شہزاد اور صائمہ وقاص نے اپنے نام کر لیا۔ تفصیلات کے مطابق نیشنل رینکنگ بیڈمنٹن ٹورنامنٹ اختتام پذیر ہوگیا ہے، جس میں ویمنز سنگلز کا ٹائٹل ماحور شہزاد نے جیت لیا ہے۔ ویمنز سنگلز فائنل میں ماحور شہزاد نے سہرا اکرم کو شکست دی۔ اسی طرح مینز سنگلز کا ٹائٹل عرفان سعید نے جیتا۔ مینز سنگلز فائنل میں عرفان سعید نے ٹاپ سیڈ مراد علی کو شکست دی۔ ڈبلز مقابلوں میں ویمنز ڈبلز کا کرائون پاکستان واپڈا کی ماحور شہزاد اور صائمہ وقاص کے نام رہا۔ فائنل میں ایس این جی پی ایل کی ٹیم کومات ہوئی جبکہ مینز ڈبلز کا ٹائٹل نیشنل بنک کے رضوان اعظم اور کاشف سہلیری نے جیتا ، ڈبلز فائنل میں واپڈا کوزیر کیا۔
