جرمنی میں فری اسٹائل یورپین چیمپئن شپ 2018کا انعقاد

دنیا میں بہت سے لوگ ایسے بھی ہیں جو بائیک چلانا جانتے ہی نہیں ہیں لیکن اس کے برعکس کچھ لوگ تو ایسے بھی ہیں جوبائیک چلانے کے منفرد اور خطرناک طریقے اپناتے ہیں۔

جرمنی کے شہر مانہایم میں بھی مختلف ممالک سے آئے ماہربائیک سواروں کے درمیان فری اسٹائل یورپین چیمپئن شپ کا انعقاد کیا گیا۔ مقابلے میں شریک 10ماہربائیک سوار وں نے ریمپ کے ذریعے فضاء میں ایسے شاندار اورحیرت انگیز کرتب کا مظاہرہ کیا کہ دیکھنے والے دنگ رہ گئے۔

اس موقع پربائیک سواروں کے خطرناک ترین کرتب دیکھنے کیلئے ہزاروں کی تعداد میں شائقین جمع ہوگئے اور بائیک سواروں کو ان کی مہارت کی خوب داد دی۔

جرمنی کے Luc Ackermannنے مہارت کا حیرت انگیز مظاہرہ کرتے ہوئے ایونٹ میں پہلی پوزیشن حاصل کی۔