فرمان الہی
نماز کے اوقات
وزیر اعلیٰ پنجاب اور مسلم لیگ ن کے صدر شہباز شریف نے کہا ہے کہ زرداری صاحب کو یہاں پر حکومت کرتے 10 سال ہوگئے، انہوں نے سندھ کو کھوکھلا کردیا اور دولت لوٹ کر دبئی لےگئے۔
میر پور خاص سندھڑی میں سینیٹر اسد جونیجو کی رہائش گاہ پر کارکنوں سے خطاب کرتے ہوئے شہباز شریف نے سوال کیا کہ بتاؤ کتنوں کویہاں پرسستی کھاد ملی ، ہم نے پنجاب میں اپنے پیسوں سے سستی کھاد دی، سندھ میں کتنے دانش اسکول بنائے گئے، یہاں پر ہاری برباد اور زرداری خوشحال ہوگیا ۔
ان کا کہنا تھا کہ چاروں صوبے خوشحال ہوں گے تو پاکستان خوشحال ہوگا، جتنا پانی صوبوں کا حق ہے اتنا انہیں مل رہا ہے، یہ پانی کی چوری خود کررہے ہیں اور الزام دوسروں کو دے رہے ہیں، اگر سندھ کےعوام نہیں چاہتے تو کالا باغ نہیں بنے گا ۔
وزیر اعلیٰ پنجاب نے کہا کہ ہم نے پنجاب میں بلا سود قرضے دیئے ، کیا آپ کو بلاسود قرضے ملے ،پنجاب میں ہم نے ساڑھے تین لاکھ بچوں کو وظیفے دیئے، ہم نے پنجاب کے دیہاتوں میں ایک سو ارب روپے پانچ سال میں خرچ کیے ، ہم نے پنجاب کے دیہاتوں میں 8 ہزار کلو میٹر نئی سڑکيں بنائیں، یہاں کتنی سڑکیں بنیں ۔
ان کا کہنا تھا کہ پاکستان اس لیے نہیں بنا کہ ہاری بے حال ہوجائے اور زرداری خوشحال ہوجائے۔
