آپ آف لائن ہیں
جنگ ای پیپر
بدھ16؍رمضان المبارک 1440ھ22؍ مئی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
نعت: نہ کیوں ناز اُس کے اٹھائے غلامی

قمر وارثی

نہ کیوں ناز اُس کے اٹھائے غلامی

جسے چن لیں آقاؐ، برائے غلامی

ملا اذنِ طیبہ تو کیا کیا نہ مجھ پر

ہوئے منکشف راز ہائے غلامی

بھلا اور کیا، بابِ رحمت سے چاہے

وہ دل، جس کے حصے میں آئے، غلامی

گزر جائوں عشقِ نبیؐ میں فنا سے

وہ دن کاش! مجھ کو دکھائے غلامی

کہیں لوگ مجھ کو، غلامِ شہِؐ دیں

جہاں بھی مجھے لے کے جائے، غلامی

گدا کیوں نہ ہو اُس کے در کا زمانہ

درِ مصطفےٰؐ سے جو پائے غلامی

بہ فیضِ نبیؐ، حُسنِ آئندگی ہے

تنِ زندگی پر، قبائے غلامی

ملے حاضری میں، حضوری کی منزل

تواتر سے اتنا رُلائے غلامی

قمر ہے تمنا کہ خاکِ مدینہ

اوڑھا دے مجھے بھی ردِائے غلامی

Chatاپنی رائے سے آگاہ کریں