’’مقبوضہ کشمیر میں جاری مظالم کی مذمت کرتے ہیں‘‘

پاکستان میں یورپی یونین کے سفیر جین فرانکوئیز کا کہنا ہے کہ یورپی یونین مقبوضہ کشمیر میں جاری مظالم کی مذمت کرتی ہے، مقبوضہ کشمیر میں انسانی حقوق کی سنگین خلاف ورزیوں پر اقوام متحدہ کی رپورٹ کی حمایت کرتے ہیں۔

اسلام آباد میں سمینار سے خطاب میں یورپی یونین کے سفیر کا کہنا تھا کہ اقوام متحدہ کو کنٹرول لائن کے دونوں اطراف جائزے کی اجازت دی جانی چاہیے۔

ان کا کہنا تھا کہ یورپی یونین سی پیک اور پاکستان میں مزید سرمایہ کاری کا حامی ہے، علاقائی ترقی کیلئے پاکستان اور بھارت کے مابین تعاونضروری ہے، پاکستان اور یورپین یونین کے مابین سیکیورٹی تعاون ناگزیر ہے۔