فرمان الہی
نماز کے اوقات
شاعر:ظریف احسن
صفحات: 104، قیمت: 250روپے
ناشر:حرف زار پبلی کیشنز، گلستان جوہر، کراچی
یہ کتاب دو حصّوں پر مشتمل ہے، پہلے حصّے میں حمدیہ و نعتیہ کلام ہے۔ دوسرے حصّے میں رُودادِ عُمرہ ہے۔ جہاں تک حمدیہ و نعتیہ کلام کا تعلق ہے، اس میں کوئی خاص رنگ نمایاں نہیں ہے۔ بس، قلبی کیفیت کا اظہار ہے۔ یہی حال آزاد نظموں کا ہے کہ ان میں شعریت اور معنویت دونوں ہی مفقود ہیں۔ کتاب کے دوسرے حصّے میں شاعر اور ان کی اہلیہ نے اپنے سفرِ عُمرہ کی رُوداد قلم بند کی ہے۔ ویسے اب یہ روایت سی بن گئی ہے کہ حج یا عُمرے سے واپسی پر لوگ اپنے سفر کا احوال ضرور بیان کرتے ہیں اور کرنا بھی چاہیے، لیکن ان ہی کیفیات و احساسات کے ساتھ کہ جن کا یہ سفر متقاضی ہے۔
