آپ آف لائن ہیں
جمعہ 10؍محرم الحرام 1440ھ 21؍ستمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم عمران خان نے نامزد چیئرمین پاکستان کرکٹ بورڈ ( پی سی بی ) احسان مانی سے ملاقات کی ،جس میں بورڈ کے معاملات پر بات ہوئی ۔

ذرائع کے مطابق ملاقات میں وزیراعظم نے نامزد چیئرمین پی سی بی کو پاکستانی کرکٹ میں بہتری کےاپنے پلان سے آگاہ کیا ۔

عمران خان نے احسان مانی کو ہدایت کی کہ پی سی بی کے تمام معاملات کا ازسر نو جائزہ لیا جائے اور بورڈ کو بہتر انداز میں چلایا جائے۔

احسان مانی نے میڈیا سے گفتگو میں بتایا کہ عمران خان سے ملاقات میں کرکٹ کے امور زیر بحث آئے،انہوں نے مجھے کہا کہ چیئرمین بننے کےلئے مجھے الیکشن لڑنا ہوگا۔

انہوں نے مزید کہا کہ امید ہے گورننگ بورڈ کے ارکان میرے حق میں ووٹ دیں گے،چیئرمین منتخب ہوا تو عمران خان اور پاکستانی عوام کو مایوس نہیں کروںگا۔

خیال رہے کہ نجم سیٹھی کی جانب سے بطور پی سی بی چیئرمین استعفے کے بعد پیر کو عمران خان نے احسان مانی کو کرکٹ بورڈ کے لیے نامزد کیا تھا۔

پاکستان کرکٹ بورڈ کے گورننگ بورڈ کے ممبرز کی تعداد 10 ہے جس میں دو براہ راست وزیراعظم یعنی پی سی بی کا پیٹرن مقرر کرتا ہے جبکہ دیگر 8 ریجنز اور ڈپارٹمنٹ کی جانب سے منتخب ہوکر بورڈ کا حصہ بنتے ہیں۔

پی سی بی کے آئین کے مطابق چیئرمین پی سی بی کا عہدہ خالی ہونے کے چار ہفتوں کے اندر انتخابات کروانے ہوتے ہیں۔

Chatاپنی رائے سے آگاہ کریں