آپ آف لائن ہیں
جنگ ای پیپر
منگل12؍ربیع الثانی 1441ھ 10؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

نئی آواز: وفا کے دشت میں آئے ہم اس نادان سے پہلے

ذاکر رحمان

وفا کے دشت میں آئے ہم اس نادان سے پہلے

جو خود کو لُوٹ لیتا ہے کسی نقصان سے پہلے

تم اپنی سبز آنکھوں کو ذرا سا بند ہی رکھنا

سفر میں ریت پڑتی ہے ہرے میدان سے پہلے

وہ لب اک پھول کی صورت نکھرتے ہیں، مگر اُن سے

کوئی تتلی نہیں اُڑتی ،مری مسکان سے پہلے

گزشتہ شب اندھیرے میں کسی وحشی حسینہ نے

مرے دل کی تلاشی لی مرے سامان سے پہلے

پڑی رہتی تھیں میری میز پر، اکثر تری آنکھیں

کئی رنگیں کتابوں میں مرے دیوان سے پہلے

قرطاسِ ادب سے مزید
غزلیں سے مزید