• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جہلم روڈ گیس پائپ لائن تنصیب کے 6ماہ بعد بھی مرمت نہ ہو سکی

میرا شہر
اسلام آباد
03 ستمبر ، 2018
راولپنڈی (اپنے نامہ نگار سے ) جہلم روڈ پر ڈیفنس چوک کے پاس گیس پائپ لائن کی تنصیب کیلئے تقریباً چھ ماہ قبل توڑی جانے والی سڑک کی تاحال مرمت نہیں کی جاسکی ہے ، موسم برسات کی بارشوں کا پانی اسی جگہ سے بہنے کے باعث یہاں پر نالہ بن چکا ہے بعض اوقات گاڑیوں کے ٹائر اس میں چلے جاتے ہیں ، اس روڈ پر سفر کرنے والے شہریوں کا کہنا ہے کہ اتنی اہم اور مصروف شاہراہ کی پائپ لائن ڈالنے کے بعد اس کی مرمت نہ کرنا سمجھ سے بالا تر ہے ، ایوب پارک کے سامنے سے الشفاء آئی ہسپتال کے قریب سروس روڈ پر روڈ کٹ کی مرمت کا کام بھی انتہائی ناقص کیا گیا ہے بعض جگہوں نے یہ جگہ بیٹھ چکی ہے ، اہل علاقہ نے جہلم روڈ پر روڈ کٹ کی فوری مرمت کے ساتھ ساتھ سروس روڈ پر کی جانی والی روڈ کٹ کی مرمت کو بھی بہتر بنایا جائے۔
تازہ ترین