’کُتے بھونکتے کیوں ہیں‘ لالو پرساد نے شکایت کر دی

بھارتی صوبے بہار کے سابق وزیر اعلیٰ لالو پرساد کی آج کل نیند خراب ہو رہی ہے اور وہ بھی کتوں کے بھونکنے سے ،ماجرا،کیا وہ خود ہی اسپتال انتظامیہ کو دی گئی در خواست میں بیان کرتے ہیں ۔

بھارتی میڈیا کے مطابق بہار کے سابق وزیر اعلیٰ لالو پرساد ضمانت نہ ملنے کی وجہ سے آج کل جیل میں ہیں جہاں انہیں بیماری کے باعث اسپتال منتقل کردیاگیا ہے لیکن جس وارڈ میں لالو پرساد کو رکھا گیا ہے اس پر لالو جی نے اعتراض کیا ہے کہ اس وارڈ کے اطراف کتے بہت ہیں جن کے بھونکنے کی وجہ سے انہیں نیند نہیں آتی ۔

اس صورت حال پر لالو جی نے اسپتال انتظامیہ کو باقاعدہ طور پر در خواست بھی دے دی ہےجس میںانہوںنے التماس کی ہے کہ وہ کتوں کے بھونکنے کی وجہ سے ساری رات سو نہیں پاتے اس وجہ سے ان کا وارڈ تبدیل کیا جائے۔

در خواست پر راجندرا انسٹیٹیوٹ آف میڈیکل سائنس کے ڈائریکٹر آر کے شری واستا کا کہنا ہے کہ وارڈ کی تبدیلی اسپتال انتظامیہ کے اختیار میں نہیں ،ان کی وارڈ تبدیل کرنے کی در خواست جیل حکام کو بھیج دی ہے تاہم میونسپل کمیٹی کو اسپتال کے اطراف میں کتوں کی بہتات سے آگا کردیا ہے۔