ناروے کے شہر اوسلو میں مقیم پاکستانیوں نے ملک میں ڈیم کی تعمیر کے حوالے سے فنڈ جمع کرنے کا ریکارڈ بنا دیا ،صرف دو گھنٹوں میں 8 کروڑروپے اکٹھے کرلیے،اس موقع پر وزیراعظم عمران خان کے دستخط شدہ بلے اور گیند کی بھی نیلامی کی گئی۔
اوسلو میں تقریب کا انعقاد پاکستانی کمیونٹی ، پاکستانی سفارتخانے اور تحریک انصاف ناروے نے کیا تھا۔تقریب میں ناروے میں پاکستان کے سفیر ظہیر پرویز خان، شوکت یوسف زئی ، عتیقہ اوڈھو ،تصدق چودھری اور علماء اکرام نے شرکت کی۔
سینیٹر فیصل جاوید نے کہا کہ یہی جذبہ رہا تو ڈیم انشاء اللہ اپنی مدت سے پہلے بن جائے گا- انہوں نے پاکستانی کمیونٹی کا شکریہ ادا کرتے ہوئے کہا کہ ڈنمارک اور یونان کے بعد ناروے نے بھی زبردست رسپانس دیا ، ناروے کی مساجد اور علماء اکرام کی خاص شرکت پر انھیں خراج تحسین پیش کرتے ہیں -