غزہ کی صورتحال، سلامتی کونسل کا بند کمرا اجلاس آج ہوگا

غزہ میں اسرائیلی حملوں کے بعد کشیدہ صورتحال پر غور کے لیے اقوام متحدہ کی سلامتی کونسل کا اجلاس آج بند کمرے میں ہوگا۔

خبر ایجنسی کے مطابق اجلاس کویت اور بولیویا کی درخواست پر طلب کیا گیا ہے جس میں غزہ کی صورتحال پر اراکین سے تبادلہ خیال کیا جائے گا۔

واضح رہے کہ غزہ میں 48 گھنٹوں کے دوران اسرائیلی حملوں میں 14 فلسطینی شہید اور 30 سے زائد زخمی ہوئے ہیں۔