’حسین نقی کی داد رسی کیلئے حاضر ہیں‘

بزرگ صحافی حسین نقی اپنی تضحیک کے معاملے پر سپریم کورٹ لاہور رجسٹری میں چیف جسٹس پاکستان میاں ثاقب نثار کے روبرو پیش ہو گئے۔

اس موقع پر چیف جسٹس آف پاکستان نے ریمارکس دیے کہ حسین نقی کی داد رسی کے لیے حاضر ہیں، وہ استاد ہیں تو میرے بھی استاد ہیں، کوئی انا نہیں، مجھے بھی حسین نقی کا احترام ہے۔

حسین نقی، جسٹس عامر رضا کیساتھ بدتمیزی کیوں کی؟چیف جسٹس

لاہور (نمائندہ جنگ، نیوز ایجنسی)سپریم کورٹ آف...

چیف جسٹس نے ایک صحافی سے استفسار کیا کہ کیا حسین نقی کو دوبارہ بورڈ میں شامل کر دیا جائے۔

جس پر صحافی نے جواب دیا کہ حسین نقی عہدوں سے بالاتر ہیں، ان کی عزت ہم سب صحافیوں کے لیے اہم ہے۔

واضح رہے کہ اس سے قبل گزشتہ سماعت کے دوران چیف جسٹس پاکستان میاں ثاقب نثار نے بزرگ صحافی حسین نقی پر اظہار برہمی کیا تھا۔