قیدیوں سے غیرانسانی سلوک کی خبریں بے بنیاد ہیں، سعودی عرب

سعودی وزارت اطلاعات نے ذرائع ابلاغ میں شائع ہونے والی ان خبروں کو بے بنیاد قرار دیا ہے جن میں کہا گیا تھا کہ سعودی عرب کی جیلوں میں قیدیوں پر بدترین تشدد کیا جاتا ہے۔

وزارت اطلاعات کی طرف سےجاری کردہ بیان کے مطابق انسانی حقوق کی تنظیموں"ایمنسٹی" اور ’ہیومن رائٹس واچ‘ کے قیدیوں پر تشدد سے متعلق دعوے قطعی بے بنیاد ہیں اور

اس طرح کی تمام افواہیں اور جعلی خبریں فرضی ذرائع سے حاصل کردہ معلومات کی بنیاد پر فراہم کی جا رہی ہیں۔

خیال رہے کہ انسانی حقوق کی دو بڑی عالمی تنظیموں نے کہا ہے کہ سعودی عرب میں جیلوں میں قید افراد کو بدترین اذیتیں دی جاتی ہیں تاہم اس حوالے سے یہ ادارے کوئی ثبوت پیش نہیں کرسکے ہیں۔