’دپیکا سے شادی کیلئے3 سال پہلے ہی تیار تھا‘

بالی ووڈ کے باجی رائو کا کہنا ہے کہ وہ اپنی مستانی سے شادی کے لیے 3 سال قبل ہی تیار ہوگئے تھےلیکن چونکہ دپیکا شادی کے لیے تیار نہیں تھیں ،وہ اُن کی رضامندی کا انتظار کررہے تھے۔

بھارتی فلم ’باجی رائو مستانی‘ میں باجی رائو کا کردار بخوبی ادا کرنے والےاداکار رنویر سنگھ اور اداکارہ دپیکا پڈوکون چند روز قبل ہی شادی کے بندھن میں بندھے ہیں۔ شادی کے بعد رنویر سنگھ نے بطور مہمان خصوصی ایک پروگرام میں شرکت کی جہاں انہوں نے انکشاف کرتے ہوئے بتایا کہ وہ 3 سال پہلے ہی دپیکا سے شادی کے لیے تیار ہوگئے تھے۔

رنویر سنگھ نے انٹرویو میں بتایا کہ وہ دپیکا کے بارے میں سب کچھ جانتے تھے، انہیں اس بات کا بھی پورا یقین تھا کہ ان کی شادی دپیکا سے ہی ہوگی اور وہی اُن کے بچوں کی ماں بنیں گی۔ اب سے تقریباً 3 سال پہلے سے ہی انہوں نے دپیکا سے شادی کے بارے میں سنجیدگی سے سوچنا شروع کردیا تھا۔

غنڈے اداکار نے مزید بتایا کہ انہوں نے دپیکا کے ساتھ پہلی فلم سال 2013 میں ’رام لیلا‘ کی تھی جس کے بعد سے ان دونوں کے درمیان محبت کا آغاز ہوا۔ رنویر سنگھ نے بتایا کہ 6 ماہ ایک دوسرے کے ساتھ رہنے کے بعد ہی انہیں اس بات کا اندازہ ہوگیا تھا کہ دپیکا ہی وہ ہیں جن کے ساتھ ان کا رشتہ بخوبی چل سکتا ہے۔

دپیکا اور رنویر کی شادی کی تمام تقریبات اٹلی کے خوبصورت مقام ’لیک کومو‘ میں ہوئی تھیں ،انٹرویو کے دوران جب رنویر سے شادی کی جگہ سے متعلق سوال کیا گیا تو جواب میں ان کا کہنا تھا کہ ’دپیکا نے جس چیز کی خواہش کی، میں چاہتاتھا کہ وہ ہر چیز انہیں مل جائے۔‘ اور ایک لڑکے میں اچھے شوہر کی خصوصیات موجود ہونے کا اندازہ یہیں سے ہوتا ہے۔

رنویر سنگھ نے کہا کہدپیکا نے شادی کے حوالے سے جو سوچا اور جو انہوں نے خواب دیکھے ،سب کچھ ویسا اور اُن ہی کے مطابق ہوا ہےکیونکہ وہ تمام خوشیوں کی حقدار ہیں اور اُن (رنویر) کو خوشی دپیکا کو خوش کر دیکھ ہوتی ہے۔

اٹلی میں شادی کے بعد یہ جوڑا واپس آگیا بھارت جہاں انہوں نے بولی ووڈ فلم انڈسٹری کے دوستوں اور قریبی رشتہ داروں کے لیے دو ولیمے کی تقریبات کا انعقاد کیا۔