’کیسے سنے گا میری کہانی میری زبانی‘

10 جنوری ، 2019

العزیزیہ ریفرنس میں جیل جانے والے سابق وزیر اعظم نواز شریف سے لاہور کی کوٹ لکھپت جیل میں آج ملاقات کا دن تھا،صاحبزادی مریم نواز، والدہ، بھتیجےحمزہ شہباز اور دیگر ن ليگی رہنماؤں نے ان سے ملاقات کی۔

جیل میں وفود سے گفت گو میں مسلم لیگ ن کے قائد نواز شریف نے کہا شہباز شریف کے ساتھ ناروا سلوک روا رکھا جارہا ہے، شہباز شریف نے پنجاب میں دن رات کام کیا اورصلہ یہ ملا؟

انہوں نے حکومت پر تنقید کرتے ہوئے کہا کہ پنجاب میں میٹرو 11 ماہ میں مکمل ہوئی اور کے پی کے میں اب بھی دھول اڑ رہی ہے، پنجاب کی اہل حکومت کی جگہ نااہل حکومت نے لے لی۔

اس موقع پر نواز شریف سے ایک صحافی نے سوال کیا کہ آپ چپ کا روزہ کب توڑیں گے؟ اس پر نواز شریف نے کہاکہ ’کیسے سنے گا میری کہانی میری زبانی‘۔

اس سوال پر کہ کیا کیا آپ یا مریم نواز مارچ سے عوامی رابطہ مہم شروع کریں گے،نوازشریف نے کہاکہ یہ جیل سے باہر آنے کے بعد بتاؤں گا۔

نواز شریف نے جیل سہولیات کا تذکرہ کرتے ہوئے کہا کہجیل کے کمرے ٹھنڈے ہوتے ہیں، ہیٹر دیا گیا ہے وہ بھی اپنے مطابق چلتا ہے۔

دوسری جانب جیل حکام کا کہنا تھاکہ جیل میں نواز شریف کو ہیٹر دے کر ہم نے مہربانی کی ہے جس پر نواز شریف نے کہا کہ دیکھ لیں یہ ہیٹر دے کر میرے پر احسان کررہے ہیں۔

سابق وزیر داخلہ نے کہا کہ احسن اقبال آپ کی گرفتاری کے بعد عوام کے پیغام آرہے ہیں جس پر نواز شریف نے مسکراتے ہوئے تبصرہ کیا کہ کتنی دیر تک جیل میں پیغام آئیں گے۔

وکیل کی آمد پرنواز شریف نے جملہ کسا تاریخوں پر تاریخیں ڈلوانے والے آگئے۔

خواجہ آصف نے نواز شریف سے سوال کیا کہ جیل میں بجلی نہیں جاتی؟ جس پر نواز شریف نے طنزیہ جواب دیا کہ خواجہ صاحب ،پتہ نہیں کس قسم کی بجلی آتی ہے،ہیٹر گرم نہیں ہوتا۔

تازہ ترین